Aýtızmdi emdeýge qatysty jarnamalarǵa saqtyqpen qaraý kerek - Nurııa Baltabaıqyzy
NUR-SULTAN. QazAqparat – AUTISM KAZAKHSTAN Ulttyq qaýymdastyǵynyń tóraǵasy, ekonomıka ǵylymdarynyń doktory Nurııa Baltabaıqyzy aýtızmdi emdeýge qatysty kúdikti jarnamalar boıynsha ata-analarǵa úndeý jasady, dep habarlaıdy QazAqparat tilshisi.
«Keıbir ortalyqtar men mamandar jarnama jasap, aýtızmdi bir aıda nemese bir kýrsta emdep shyǵamyz degen kóptegen jarnamalardy jarııalap jatyr. Mundaı málimetke óte saqtyqpen qaraý kerektigin aıtqym keledi. Bilikti mamandardyń atap ótýinshe, aýtımz eshqandaı ekpemen, dárimen emdelmeıdi. Sonymen qatar, taǵy da basqa kóptegen avtorlyq ádisnamalar shyǵyp jatyr. Olar ǵylymı turǵyda rastalmaǵan», - dedi Nurııa Baltabaıqyzy Ortalyq kommýnıkatsııalar qyzmetinde.
Osy oraıda ol álemdik tájirıbede atalǵan ádisnama bolmasa da, Qazaqstan aýmaǵynda ǵylymı negizdelmegen tásilder jarnamalanyp jatqanyn aıtty.
«Bizge ata-analar habarlasyp jatady. Bul tásilder boıynsha balalardyń ata-analarynan qomaqty qarajat suraıdy. Biz bul tásilderdi qoldamaımyz, sebebi dári-dármekpen jáne basqa da ádistermen aýtızmdi bir aıda nemese bir kýrs ishinde emdep shyǵa almady. Ata-analardy osyndaı jarnamalarǵa saqtyqpen qaraýǵa shaqyramyn», - dedi AUTISM KAZAKHSTAN Ulttyq qaýymdastyǵynyń tóraǵasy.
Budan buryn habarlanǵandaı, QR Densaýlyq saqtaý mınıstrliginiń Ana men balanyń densaýlyǵyn qorǵaý departamenti dırektorynyń orynbasary Oljas Ysqaqov balalar psıhıatrııasy mamandyǵy boıynsha grant sany kóbeıgenin aıtty.
