Aýtızm derti boıynsha respýblıkalyq úılestirý keńesi qurylady
«Aýtızm spektri buzylýy (ASB) máseleleri boıynsha arnaıy Respýblıkalyq úılestirý keńesi qurylady. Úkimet múshesi retinde ony ózim basqarýdy jón kórdim. Sondaı-aq keńes quramyna ÚEU ókilderin, salalyq memlekettik organdardyń vıtse-mınıstrlerin, ákim orynbasarlaryn jáne basqa da áriptesterimizdi qosamyz. Mańyzdy másele - osy baǵyttaǵy barlyq jumysty úılestirý. 2. ASB máseleleri boıynsha arnaıy Jol kartasy bekitiledi. Qujatta problemalyq aımaqtardy anyqtap, qysqa, orta jáne uzaq merzimdi perspektıvadaǵy mindetterdi aıqyndaımyz. Ǵylymı zertteýler júrgizý mańyzdy. Sol sebepti BǴM aýtızm spektriniń buzylýyn zertteý jónindegi arnaıy ǵylymı baǵdarlamaǵa qarjy bólý boıynsha jumys júrgizedi», - dedi mınıstr.
Onyń atap ótýinshe, búginde 19 joǵary oqý orny arnaıy pedagogterdi daıarlaıdy. Atalǵan ýnıversıtettiń barlyǵyna túzetý kabınetteri formatynda resýrstyq ortalyqtar ashý tapsyryldy. Ortalyqtar mamandar daıarlaý jónindegi klınıkalyq baza retinde áreket etedi. Bul baǵyttaǵy jumys Qazaq ulttyq qyzdar pedagogıkalyq ýnıversıtetinde jaqsy jolǵa qoıylǵan. Ýnıversıtette «Dara» qorynyń qoldaýymen resýrstyq ortalyq ashyldy.
«Bıyl biz JOO-larǵa baǵdarlamalardy, ádistemelerdi daıyndaý jáne stýdentterdi oqytý úshin aýtızmi bar balalarmen jumys isteýge mamandanǵan sheteldik professorlardy tartý úshin qarjy bóldik. Osy jyly Abaı atyndaǵy QazUPÝ, Qazaq ulttyq qyzdar pedagogıkalyq ýnıversıteti, QarMÝ osy dertke shaldyqqan balalarmen jumys istep júrgender úshin aralas onlaın/oflaın formatynda arnaıy magıstrlik baǵdarlamalar ázirlep jatyr. PPTK (psıhologııalyq-pedagogıkalyq túzetý kabıneti), PMPK (psıhologııalyq-medıtsınalyq-pedagogıkalyq keńes), resýrstyq ortalyqtar, arnaıy ınklıýzııa kabınetteriniń qyzmetkerlerine maqsatty granttar bólýdi bastadyq. Sondaı-aq olarǵa beıindik magıstratýraǵa túsý úshin jaǵdaı jasaýǵa daıynbyz», - dedi ol.
Mınıstrdiń jazýynsha, úlgilik shtattarǵa pedagog-assıstentter engizildi. Qazirdiń ózinde mektepterde 1 000-nan astam pedagog-assıstent jumys isteıdi. Olar erekshe bilim berý qajettilikteri bar balalarǵa mektepke beıimdelýge jáne oqýǵa kómektesedi. Bul baǵyttaǵy jumystar jalǵasady.
«Túzetý kómegine memlekettik tapsyrystardy ornalastyrýdy bastaımyz. ıAǵnı, osy dertke shaldyqqan balalarmen sapaly túzetý jumystaryn júrgizýge daıyn uıymdar bıýdjetten tıisti qarjy alady. Bul balalarymyzdy osyndaı arnaıy qoldaýmen qamtýdy kúrt arttyrýǵa múmkindik beredi. Ata-analarǵa, mamandarǵa barlyq qajetti aqparat pen arnaıy uıymnyń derekter bazasy, sondaı-aq PPTK, PMPK jáne resýrstyq ortalyqtar týraly aqparat barlyǵyna qoljetimdi bolýy úshin biryńǵaı portal qurylady», - dedi Ashat Aımaǵambetov.
