Aýsyl kórshiles elden kontrabandalyq jolmen ákelingen maldan tarady - AShM
Bul týraly búgin Aýyl sharýashylyǵy mınıstrliginde ótken brıfıng barysynda Veterınarııalyq baqylaý jáne qadaǵalaý komıteti tóraǵasynyń orynbasary Mereke Taıtýbaev málim etti.
«Atap aıtqanda, Degeres aýlyndaǵy jeke aýlanyń birinen aýsyl aýrýynyń klınıkalyq belgisimen 5 bas iri qara anyqtaldy. Onyń bireýi analyq sıyr, tórteýi buzaý. Maldyń ekeýinde Ońtústik Qazaqstan oblysynyń lıterlik belgisi bar syrǵalary anyqtaldy. Al ondaı syrǵa olardyń qujattaryna sáıkes kelmeı otyr. Bul taǵy da kontrabandalyq jolmen ákelingen mal ekendigin rastaı túsedi», - deıdi tóraǵa orynbasary. Bul rette mınıstrlik ókili qoldanystaǵy zańnamanyń normalaryna sáıkes barlyq iri qara tóli týylǵannan keıin 7 kún ishinde syrǵalanyp, janýarlardy birdeılendirý jónindegi málimetter bazasyna engizilýi qajettigin eskertti.
«Toqtala ketetin taǵy bir jaıt, tekseris barysynda «Bolashaq» sharýa qojalyǵyndaǵy mal negizinen Almaty oblysynyń Qarasaı aýdanyndaǵy «Altyn Orda» bazarynan satyp alynǵandyǵy anyqtaldy. Bul da kontrabandalyq sebepke negiz bolady», - deıdi M. Taıtýbaev.
