Aýsyl aýrýy anyqtalǵan Aqmola oblysynan elordaǵa mal sharýashylyǵy ónimderin jetkizýge tyıym salyndy
ASTANA. Maýsymnyń 18-i. QazAqparat /Damır Baımanov/ - Úı maldarynan aýsyl aýrýy anyqtalǵan Aqmola oblysynyń aýmaǵynan Astanaǵa mal sharýashylyq ónimderin jetkizýge tyıym salyndy.
Bul týraly juma, maýsymnyń 18-i kúni ótken brıfıngte QR Aýyl sharýashylyǵy mınıstrligi Agroónerkásip keshenindegi memlekettik ınspektsııa komıteti basqarmasynyń bastyǵy Aqyn Yspulaev málim etti.
Buǵan deıin habarlanǵandaı, QR Aýyl sharýashylyǵy mınıstrligi Agroónerkásip keshenindegi memlekettik ınspektsııa komıtetiniń oblystyq aýmaqtyq ınspektsııasy Aqmola oblysy Ereımentaý aýdany Novodolınka aýylynda josparly tekserister júrgizip, 241 bas iri qara maldan «O» antıgen tıpti aýsyl aýrýyn tapqan bolatyn.
A.Yspulaevtyń sózine qaraǵanda, atalmysh aýyldyq okrýgtiń turǵyndarymen kezdesý ótkizilip, tórt túlik ıelerinen aýrý janýarlardy joıýǵa ruqsat alyndy. Barlyǵy 639 bas iri qara, 767 - usaq mal jáne 487 - shoshqa joıylýǵa jatady.
