Aýstrııanyń gaz qubyryndaǵy apat Eýropanyń energetıka naryǵyna áser etti
ASTANA. QazAqparat - Aýstrııada Venanyń shyǵysyndaǵy Baýmgarten qalasynda gaz qubyrynda jarylys bolyp, onyń sońy órtke ulasqan. Bir adam qaza taýyp, 18 adam jaraqat aldy, dep habarlaıdy QazAqparat Euronews telearnasy
Gaz taratý termınalyna aıtarlyqtaı zalal kelgen. Aýstrııalyq polıtsııa apatty tehnıkalyq aqaýdyń saldarymen baılanystyrýda.
Termınaldyń Gas Connect Austria kompanııa-operatory gaz qubyryn avtomatty basqarýdan óshirdi. Sonyń saldarynan Slovakııadaǵy gaz tasymaldaýdyń negizgi joly Aýstrııada, keıin Italııa, Vengrııa jáne Slovenııada toqtatylǵan.
Gas Connect Austria kompanııasynyń ókili Andreas Rınofner qazirgi tańda ońtústik baǵyttaǵy, Italııa baǵytyndaǵy gaz tasymaldaýdyń toqtatylǵanyn habarlady.
«Naryqtaǵy barlyq qatysýshylar, barlyq gaz kompanııalarǵa osy jaǵdaı týraly habar berildi. Biz olarmen únemi baılanysyp otyrmyz. Gaz tasymaldaýdyń tolyqtaı qashan qalpyna keltiriletinin ázirge aıta almaımyz», - dedi ol.
Baýmgartendegi gaz qubyry Reseı men Norvegııaǵa gazyn taratatyn eń iri eýropalyq jeli sanalady. Jyl saıyn ol arqyly 40 mlrd tekshe gaz ótedi.
Apattyń saldarynan Eýropa energetıka naryǵynda ózgeris bolyp jatyr: Londondaǵy saýda barysynda gazdyń quny qymbattap, keshegi kórsetkishterden 23 paıyzǵa kóterilgen. Gazdyń qymbattaýyna baılanysty munaı men kómir baǵasy da ósti.
