Aýstrııanyń taý-shańǵy kýrortyndaǵy arqanjol úzilip, jeti adam zardap shekti

Aýstrııanyń Tırol aýmaǵyndaǵy taý-shańǵy kýrortynda arqanjol kabınasy úzilip ketti. Kazinform bul týraly Euronews-ke silteme jasap habarlaıdy. 

Oqys oqıǵadan jeti adam zardap shekti. Tórt adam aýyr jaraqat aldy, bireýiniń jaǵdaıy nashar.

Apatty jaǵdaı Ets eldimekenine jaqyn mańdaǵy Aherkogelban arqanjolynda bolǵan. Mamandar arqanǵa aǵash qulap, saldarynan kabına úzilip ketken dep boljam jasady. 

Ázirge arqanjol ýaqytsha isten shyǵaryldy. Qazirgi ýaqytta oqıǵanyń neden bolǵany, aǵashtyń qalaı qulap ketkeni anyqtalyp jatyr. 

Aıta keteıik, Aherkogelban arqanjolynda 60-qa jýyq kabına bar.