Aýstrııadaǵy álem chempıonatyna 12 shańǵyshy barady
ASTANA. QazAQparat - Aýstrııanyń Zeefelde qalasynda shańǵy jarysynan ótetin Álem chempıonatynda Qazaqstan namysyn elimizdiń eń úzdik 12 shańǵyshysy qorǵaıtyn boldy, dep habarlaıdy QazAqparat tilshisi Qazaqstan Respýblıkasy shańǵy jarysynyń Ulttyq federatsııasyna silteme jasap.
2019 jyldyń 19 aqpany men 3 naýryzy aralyǵynda ótetin saıysta er jáne áıelder tobynyń sportshylary 6 saıys, atap aıtqanda erkin stıldegi sprınt, skıatlon, komandalyq sprınt, klassıkalyq stılmen jeke dara jarysý, estafeta jáne mass-start boıynsha synǵa túsedi. Qazaqstan quramasynyń sapyna Alekseı Poltoranın, Nıkolaı Chebotko, Vıtalıı Pýhkalo, Evgenıı Velıchko, Oljas Klımın, Dáýlet Rahymbaev, Denıs Volotka, Anna Shevchenko, Valerııa Tıýleneva, Irına Bykova, Elmıra Mýtagarova men Marına Matrosova endi.
«Qazirgi ýaqytta qurama qorjynyna Álem chempıonatynyń úsh qola medali bar. Keńirek aıtsaq, 2013 jyly Italııada Nıkolaı Chebotko men Alekseı Poltoranın komandalyq sprıntte qola medal alyp, al birneshe kúnnen keıin Alekseı 50 shaqyrymdyq mass-startta nátıjesin qaıtalaǵan bolatyn. Aldaǵy chempıonattyń baǵdarlamasynda 6 saıys bar. Bizdiń sportshylar altaýynda da óner kórsetedi. Búkil maýsym boıynsha bizdiń sportshylar osy chempıonat úshin daıyndaldy», - deıdi Qazaqstan shańǵy jarysy ulttyq federatsııasynyń bas hatshysy Andreı Nevzorov.
Shańǵy jarysy boıynsha Álem chempıonatynyń kestesi:
21.02.2019 - Sprınt, erkin stıl, erler jáne áıelder toby
23.02.2019 - Skıatlon, erler jáne áıelder toby
24.02.2019 - Komandalyq sprınt, erler jáne áıelder toby
26.02.2019 - Jarys, 10 shaqyrym kl.stıl, áıelder toby
27.02.2019 - Jarys, 15 shaqyrym, kl.stıl, erler toby
28.02.2019 - Estafeta, áıelder toby
01.03.2019 - Estafeta, erler toby
02.03.2019 - Mass-start, 30 shaqyrym, erkin stıl, áıelder toby
03.03.2019 - Mass-start, 50 shaqyrym, erkin stıl, erler toby.
