Aýstrııanyń jańadan taǵaıyndalǵan kantsleri ant berdi

ASTANA. KAZINFORM — Dúısenbide Krıstıan Shtoker Aýstrııanyń jańa federaldy kantsleri retinde ant berdi, dep habarlaıdy Kazinform menshikti tilshisi.

Federaldy prezıdent Aleksandr Van der Bellen Hofbýrgte Krıstıan Shtokerdiń antyn qabyldady. «ÖVP» tóraǵasy Halyqtyq partııa, SPÖ (Sotsıalıstik partııa) jáne Neos qurǵan alǵashqy federaldy úkimetti basqarady.

Krıstıan Shtoker 1960 jyly 20 naýryzda Vıner-Noıshtadt qalasynda (eldiń soltústik-shyǵysynda) dúnıege kelgen. Onyń ákesi konservatıvti Aýstrııa halyq partııasynyń (AHP) qaıratkeri bolǵan, birneshe ret federaldy parlamentke saılanǵan.

Jańa kantsler Vena ýnıversıtetin bitirdi, zań ǵylymdarynyń doktory. Oqýyn aıaqtaǵannan keıin týǵan qalasyndaǵy aýdandyq jáne jer sotynda jumys istedi. 1994 jyldan bastap advokattyq qyzmetpen aınalysyp, otbasylyq jáne korporatıvtik quqyq salasynda mamandanǵan. SFS-Anwaelte zań fırmasyn qurdy. Eýropalyq Keńestiń basshysy Antonıo Koshta K.Shtokerdi Aýstrııanyń jańa kantsleri qyzmetine taǵaıyndalýymen quttyqtady.

— Eýropalyq keńestiń alǵashqy birlesken otyrysyn asyǵa kútemin. Biz ortaq eýropalyq bolashaǵymyzdy birge qalyptastyramyz, — dep jazdy A. Koshta áleýmettik jelide.

3 naýryzda barlyǵy 13 mınıstr men jeti memlekettik hatshy ant berdi. Osy ýaqytqa deıin Aýstrııanyń Federaldy kantsleriniń mindetterin SІM basshysy Aleksandr Shallenberg ýaqytsha atqaryp keldi.

2024 jylǵy qyrkúıek aıynyń sońynda Aýstrııa Parlamentine saılaýda Aýstrııanyń Bostandyq partııasy (ABP) 28,8% daýys jınap, jetekshi saıası kúshke aınaldy. AHP 26,3% daýysqa ıe bolyp, ekinshi orynǵa turaqtady, sotsıal-demokrattar 21,1% daýys enshiledi, al NEOS partııasy toǵyz paıyz daýystan sál asty.

Osyǵan deıin Qazaqstan men Aýstrııa dıplomatııalyq pasport ıelerin vızalyq talaptardan bosatatyny habarlandy.