Aýstrııada Teılor Svıftiń kontsertine shabýyl jasamaq bolǵan er adam 15 jylǵa sottaldy
ASTANA. KAZINFORM – 2024 jyly Aýstrııa astanasy Venada ánshi Teılor Svıftiń kontserti kezinde jıhadtyq shabýyl uıymdastyrmaq bolǵanyn moıyndaǵan 21 jastaǵy Aýstrııa azamaty 15 jylǵa bas bostandyǵynan aıyryldy. Bul týraly VVS jazdy.
Aýstrııa zańnamasyna sáıkes is materıaldarynda Beran A. dep kórsetilgen er adam ózine taǵylǵan basqa da qylmystar boıynsha kinásin moıyndady.
Beısenbi kúni ol Vıner-Noıshtadt qalasyndaǵy sotta jasaǵan áreketine ókinetinin málimdedi. Osydan keıin alqabıler úkim shyǵarý úshin birneshe saǵatqa keńesý bólmesine ketken.
Teılor Svıftiń Eras álemdik týry aıasyndaǵy kontsertteri 2024 jylǵy tamyzda Venadaǵy «Ernst Happel» stadıonynda ótýi tıis bolǵan. Alaıda Aýstrııa bıligi AQSh Ortalyq barlaý basqarmasynan (TsRÝ) yqtımal shabýyl týraly aqparat alǵannan keıin kúdiktilerdi ustap, kontsertter ótkizilmeıtin boldy.
Ánshiniń josparlanǵan úsh kontsertine jalpy sany 200 myńǵa jýyq bılet satylǵan edi.
Eske sala ketsek, ótken aıda Túrkııada antıterrorlyq is-sharalar uıymdastyrylyp, 90 adam ustaldy.
