Aýstrııada on myńdaǵan adam ásire ońshyl partııaǵa qarsy sherýge shyqty

ASTANA. KAZINFORM – Beısenbi kúni kem degende 25 myń adam Aýstrııanyń Bostandyq partııasynyń jańa koalıtsııalyq úkimet qurý jónindegi kelissózderge qatysýyna qarsy narazylyq sherýine shyqty, dep habarlaıdy Kazinform agenttiginiń menshikti tilshisi.

Mıtıng Venadaǵy Balhaýsplats alańynda ótti. Jergilikti «Volkshilfe» jáne «SOS Mitmensch» uıymdary «Respýblıka úshin dabyl» dep urandatty, dep jazdy «Der Standard» gazeti. 

Eske sala ketsek, dúısenbide Aýstrııa prezıdenti Aleksandr Van der Bellen ásire ońshyl partııanyń jetekshisi Gerbert Kıklmen kezdesip, oǵan burynǵy koalıtsııa qańtardyń basynda ydyraǵannan keıin jańa koalıtsııa qurý boıynsha kelissózderdi bastaýdy tapsyrǵan bolatyn.

Osy mandat negizinde «Bostandyq» partııasy men Aýstrııanyń Halyq partııasy koalıtsııa qurý týraly kelissózderge kiristi. Alaıda eldegi barlyq saıası kúshter bul kózqaraspen kelise bermeıtin sııaqty.

Eske salaıyq, Syrtqy ister mınıstri Aleksandr Shallenberg Aýstrııanyń ýaqytsha kantsleri bolady.

Aýstrııa kantsleri otstavkaǵa ketetinin málimdedi.