Aýstrııada mektepte atys bolyp, birneshe adam qaza tapty
ASTANA. KAZINFORM — Aýstrııanyń Grats qalasyndaǵy mektepte bolǵan atys týraly jańalyqty Eýropa aqparat agenttikteri berip jatyr, dep habarlaıdy Kazinform agenttiginiń menshikti tilshisi.
ORF telearnasynyń habarlaýynsha, Aýstrııanyń ońtústik-shyǵysyndaǵy Grats qalasynda BORG Dreischützengasse kóshesinde saǵat 10-nan beri aýqymdy polıtsııa operatsııasy júrgizilip jatyr. Málimetke súıensek mektep oqýshylarynyń biri atys uıymdastyrǵan.
Jergilikti BAQ adamdardyń qaza tapqan jáne segiz adamnyń jaraqat alǵanyn habarlaıdy. Sonymen qatar, atys ashqan oqýshy óz-ózine qol jumsaǵan bolýy múmkin degen aqparat ta bar.
Qazirgi ýaqytta barlyq oqýshy men muǵalimder mektep ǵımaratynan shyǵaryldy.
Buǵan deıin AQSh-tyń Hıýston qalasynda jappaı atys bolyp, saldarynan 16 adam jaraqat alǵan edi.