Aýstrııada koronavırýsqa qarsy shekteýler kúsheıtildi

NUR-SULTAN. QazAqparat – Dúısenbi, 8 qarashadan bastap Aýstrııada koronavırýs ınfektsııasyna qarsy shekteý áldeqaıda kúsheıtildi, dep habarlaıdy QazAqparat DW-ǵa silteme jasap.

Kóptegen qoǵamdyq oryn, sonyń ishinde qoǵamdyq tamaqtaný oryndary, shashtaraz nemese 25 adamnan kóp jınalatyn sharalarǵa endi tek ekpe saldyrǵan nemese vırýsqa shaldyǵyp, jazylyp shyqqandar ǵana kire alady (2G erejesi).

Jumys oryndaryna jetý úshin burynǵydaı ekspress test usyný jetkilikti. Ótpeli tórt aptalyq kezeńge 2G erejesine kirmeıtinder retinde PTR-test teris qorytyndysy bar, qos ekpeniń birin alǵany týraly anyqtamasy barlar ǵana jiberiledi.

«Jasyl tólqujat» ekinshi ekpe alǵan kúnnen bastap 9 aı boıy ǵana qoldanysta bolady.

Qazir Aýstrııada halyqtyń shamamen 65 paıyzy koronavırýs vaktsınasyn tolyq alǵan. Qazirgi kezde Aýstrııada vırýs juqtyrý kórsetkishi ortasha eseppen alǵanda 599 adam, al birqatar aýdandarda aýrý juqtyrý 100 myń turǵynǵa shaqqanda 900 oqıǵaǵa sheıin jetken.

Bul 100 myń adamǵa shaqqanda 200 juqtyrý deńgeıinde bolyp turǵan Germanııadaǵy jaǵdaıdan áldeqaıda joǵary.