Aýstrııada avtobýspen júretin jolaýshylarǵa syıaqy tólenetin bolady
NUR-SULTAN. QazAqparat – Býrgenland aýstrııalyq federaldyq aýmaǵynyń bılik ókilderi turǵyndarǵa qoǵamdyq kólikte júrgeni úshin bonýs tóleıtin bolady. Syıaqy 2020 jyldan bastap beriledi, dep habarlaıdy QazAqparat Kronen Zeitung basylymyna silteme jasap.
Aýstrııanyń atalmysh óńiriniń úkimeti klımatty saqtaý úshin avtobýspen júrýge yntalandyrý baǵdarlamasyn jasap shyǵardy. Eko-bonýs jeke avtomobıldiń ornyna qoǵamdyq kólikti paıdalanatyn barlyq qala turǵyndaryna beriledi. Jolaýshylarǵa syıaqy 2020 jylǵy 1 qańtardan bastap 20 shaqyrym nemese odan da kóp jol júrgenderge tólene bastaıdy. Eko-bonýstyń eń tómengi mólsheri €39 quraıdy, al eń joǵarysy jylyna €150 jetedi.
Óńirlik bılik ókilderi Krıstıan Illedıts pen Astrıd Aızenkopftyń aıtýynsha, turǵyndarynyń basym kópshiligi jumys oryndaryna kólikpen jetýge májbúr. Al, eko-bonýs baǵdarlamasy klımatty saqtap qalý maqsatynda úıden jumysqa avtobýspen jetý úshin qolaıly jaǵdaı jasaýy tıis.
