Aýstrııada 14 jasqa deıingi balalarǵa áleýmettik jelini paıdalanýǵa tyıym salynbaq
ASTANA. KAZINFORM – Jańa zań jobasy maýsym aıyna deıin ázirlenedi. Bul týraly tsıfrlandyrý máselelerine jaýapty memlekettik hatshy Aleksandr Prell málimdedi, dep habarlaıdy DW.
AFP agenttiginiń habarlaýynsha, sheshim úsh partııadan turatyn bıleýshi koalıtsııa ishindegi uzaq kelissózden keıin qabyldanǵan.
Vıtse-kantsler Andreas Babler baspasóz konferentsııasynda ata-analardyń balalary áleýmettik jelilerde qandaı kontent kóretinin baqylaý «múmkin emes» ekenin, al platformalar táýeldilik týdyratynyn aıtty.
Sonymen qatar, Venadaǵy úkimet mektepterde «Medıa jáne demokratııa» atty jańa mindetti pán engizýdi josparlap otyr. Onyń maqsaty — oqýshylarǵa aqparat aǵynynda shyndyq pen jalǵandy ajyratýǵa kómektesý, sondaı-aq antıdemokratııalyq yqpal etý áreketterin tanýǵa úıretý.
Áleýmettik jelilerge jasóspirimderdiń qoljetimdiligin shekteýdi Frantsııa, Ispanııa jáne Danııa bıligi de qarastyryp jatyr. Germanııada bul bastamany bıleýshi koalıtsııa quramyndaǵy Sotsıal-demokratııalyq partııa men el kantsleri Frıdrıh Merts qoldaǵan.
