Aýstrııa aýmaǵynda poıyz qozǵalysy toqtatyldy
ASTANA. QazAqparat - Aýstrııada 26 qarashada temirjol salasyndaǵy jumysshylar jappaı ereýilge shyǵyp, sonyń saldarynan poıyz ataýlynyń qozǵalysy toqtatyldy. Bul týraly «Aýstrııa federaldyq temir joldary» kompanııasy málimdedi, dep habarlaıdy QazAqparat.
«26 qarasha kúni 12:00-den 14:00-ge sheıin (jergilikti ýaqytpen) poıyzdardyń qozǵalysy toqtatylady. Búkil Aýstrııa aýmaǵynda jáne transshekaralyq baǵyttarda poıyzdar júrmeıdi», - delingen habarlamada.
Kompanııanyń málimdeýinshe, poıyzdar qozǵalysy jýyq arada qalpyna keltirilmek.
Vida qyzmet kórsetý salasy jumysshylarynyń kásiptik odaǵy uıymdastyrǵan ereýil qatysýshylary ınflıatsııa deńgeıiniń artýyna baılanysty jalaqynyń kóterilýin talap etip otyr. Memlekettik kompanııa jumysshylardyń osy talabyna kónip, jalaqyny 3%-ǵa kóterýge kelisim bergen. Alaıda temirjolshylar buǵan qanaǵattanyp otyrǵan joq.
