20:25, 07 Maýsym 2023 | GMT +5
Aýstralııanyń ońtústiginde 65 myń naızaǵaı oınap, aspandy jap-jaryq etti
ADELAIDA. QazAqparat – Ońtústik Aýstralııada qatty daýyldan 10 myńnan astam úı jaryqsyz qaldy. Meteorologııa bıýrosynan málim etkendeı, 24 saǵatta 65 myń naızaǵaı jarqyly tirkelgen, dep habarlaıdy QazAqparat ABC News-ke siltememen.
Adelaıda ońtústiginde Noarlýngte jaýyn-shashyn mólsheri 4 mıllımetrden 25 mm deıin bolǵan. Áýejaı aýmaǵyna jarty saǵattyń ishinde 20 mm deıin jaýyn-shashyn jaýǵan.
Nóser jaýyn seısenbi kúni keshkisin jáne sársenbi tańerteń jaýǵan. Memleketttik tótenshe jaǵdaılar qyzmetine tańǵy saǵat 03:30-04:30 aralyǵynda ár úsh mınýt saıyn qońyraý túsken, dep habarlaıdy Xinhua.
Sınoptıkterdiń habarlaýynsha, juma kúni tańǵa deıin nóser jaýyn jaýyp, naızaǵaı oınaıdy.
Memlekettik tótenshe jaǵdaılar qyzmetiniń málimdeýinshe, qatty zaqymdalý týraly aqparat ázirge túspegen.
