Aýstralııanyń bir ǵasyr buryn joǵalǵan súńgýir qaıyǵy tabyldy
ASTANA. QazAqparat - Aýstralııanyń alǵashqy súńgýir qaıyǵynyń synyqtary 103 jyldan keıin tabylyp otyr. Bul týraly TASS RF Qorǵanys mınıstrligine silteme jasap habarlaıdy.
«Aýstralııanyń áskerı-teńiz qupııasy Papýa-Jańa Gvıneıanyń quramyna kiretin Dıýk-of-Iork araldary jaǵalaýynan HMAS AE1 alǵashqy súńgýir qaıyǵynyń synyqtary tabylǵan soń ashyldy», - delingen habarlamada.
Ótken aptada bastalǵan ekspedıtsııa barysynda súńgýir qaıyqtyń ornalasqan jerin anyqtaýdyń sáti tústi. The Australian gazetiniń jazýynsha, izdeýshilerdiń buǵan deıingi jıyrma toǵyz áreketi sátsiz aıaqtalǵan. Keme sý túbinde, 300 metr tereńdikte jatyr.
Súńgýir qaıyq Jańa Brıtanııa araldarynyń (Papýa-Jańa Gvıneıanyń quramyna kiredi) mańynda 1914 jylǵy 14 qyrkúıekte iz-túzsiz joǵalǵan. Onyń bortynda 35 adamdyq ekıpaj bolǵan.
