Aýstralııalyq júzýshiler 2012 jylǵy Olımpıadada alǵan medaldarynan aıyrylýy múmkin
NUR-SULTAN. QazAqparat – Júzýden Aýstralııa quramasy 2012 jyly Londonda ótken Olımpıadada 4h100 metrlik estafeta boıynsha ıelengen qola medaldarynan aıyrylýy múmkin. Oǵan júzýshi Brenton Rıkardtyń dopıng-testi oń nátıje kórsetkeni sebep bolyp tur, dep habarlaıdy QazAqparat The Sydney Morning Herald basylymyna silteme jasap.
Sportshynyń segiz jyl buryn tapsyrǵan taldaýyn qaıta tekserý kezinde onyń tyıym salynǵan fýrosemıd nesep aıdaý preparatyn paıdalanǵany belgili boldy. Quramynda Djeıms Magnýssen, Krıstıan Shprenger, Haıden Shtokel, Mett Targett, Tommas D'Orsonı jáne Rıkard bar Aýstralııanyń erler quramasy medaldarynan aıyrylýy múmkin.
Estafetada AQSh quramasy jeńiske jetip, ekinshi oryndy Japonııa komandasy ıelengen bolatyn. Tórtinshi oryndy Ulybrıtanııa quramasy enshilegen.
Dúnıejúzilik antıdopıng agenttigi (WADA) 2015 jyly antıdopıng erejelerin buzǵany úshin jazalaý merzimin segiz jyldan on jylǵa uzartqan bolatyn.
