Aýstralııalyq bıznesmen Qazaqstan týraly: Іskerlik ortalyqtardyń birine aınalady

BEIJІŃ-SINGAPÝR. QazAqparat - QR Prezıdenti Nursultan Nazarbaevtyń bıylǵy Joldaýy Qazaqstannyń álemniń ónerkásip jáne iskerlik ortalyqtarynyń birine aınalýyna múmkindik jasaıtyn strategııa. Bul pikirdi Aýstralııanyń «STARIN Investments and Developments» ınvestıtsııa kompanııasynyń prezıdenti Anýrag Týkral (Anurag Thukral) bildirdi, dep habarlaıdy «QazAqparat» HAA-nyń Qytaıdaǵy menshikti tilshisi.

«Joldaýda belgilengen basty 10 baǵyt Prezıdent Nursultan Nazarbaevtyń alyp strategııasyna negiz bolady. Jáne maqsaty aıqyn naǵyz kóshbasshynyń qýatty ultty qalyptastyrýǵa baǵytyn bildiredi. Joldaýdyń basym baǵyttary Qazaqstan halqynyń ómirin jaqsartatyny daý týdyrmaıdy. Onyń júzege asyrylýy Qazaqstandy onyń árbir azamaty halyqaralyq arenada ózin qazaqstandyq ekenin maqtan etetin aldyńǵy qatarly elge aınaldyrýy tıis», - deıdi bıznesmen.

Onyń aıtýynsha, Elbasy bastamashyl bolǵan ınfraqurylym jáne kólik júıelerin ıntellektýaldy basqarý halyqaralyq senimdi nyǵaıtýǵa, kommýnıkatsııalyq múmkindikterdi keńeıtýge jáne taýarlar men qyzmetterdiń der kezinde jetkizilýin qamtamasyz etýge qyzmet etýi tıis.

«Ózara yntymaqtastyqtyń joǵary deńgeıi ulttyq jáne halyqaralyq bızneske degen senimdi arttyrady. Tıimdi ári senimdi baılanys, sondaı-aq álemdik halyqaralyq, saıası jáne jańa tehnologııalyq júıelerge qoljetimdilik Qazaqstan kompanııalarynyń álemdik tendentsııalarǵa beıimdelýine septigin tıgizedi», - deıdi A. Týkral.

Sonymen qatar, aýstralııalyq bıznesmen Qazaqstan Prezıdentiniń azamattar densaýlyǵyn jaqsartý men ál-aýqatynyń artýyna kóp kóńil bólip otyrǵanyna nazar aýdaryp, salaýatty ult - qýatty ult ekendigin tilge tıek etti.