Aýstralııadaǵy tasqyn: Adamdardy tankilermen evakýatsııalap jatyr
ASTANA. QazAqparat - Aýstralııanyń soltústiginde tolassyz jaýǵan jańbyrdyń saldarynan sý tasqyny boldy, dep habarlaıdy CNN.
Sońǵy derekter boıynsha, baspanasyz qalǵan júzdegen jan evakýatsııa ortalyqtarynda turyp jatyr. Onda adamdardy 4 aqpan kúngi tańerteńnen beri tankiler jetkizýde. Jeńil jáne júk kólikteri sý astynda qalyp, óz qyzmetterin atqara almaı jatyr.
Budan bólek, Taýnsvıl qalasyndaǵy 20 myń úı tabıǵı apattyń qurbanyna aınalýy yqtımal. Óńir bıligi shuǵyl túrde olardy qutqarý jumystaryn júrgizip jatyr. Sý basqan aımaqtarda jaryq joq, áýejaılar toqtap, dúkenderdegi sóreler bos tur.
Adamdarǵa úıleriniń mańaıynda júzip júrgen qoltyraýyndar da qaýip tóndirýde.
