Aýstralııadaǵy poıyz apatynan eki adam qaza tapty
SIDNEI. QazAqparat - Aýstralııada relsten shyǵyp ketken Sıdne-Melbýrn baǵytyndaǵy jolaýshylar poıyzynyń apatynan eki adam qaza tapty, dep habarlaıdy QazAqparat VVS-ge silteme jasap
Qutqarý qyzmeti ókilderiniń habarlaýynsha, taǵy birneshe adam jaraqat alǵan. Bir jolaýshy medıtsınalyq avıatsııamen Melbýrnge jetkizildi. Poıyz apatynyń neden bolǵany ázirge belgisiz.
«Poıyzda 160 adam bolǵan. Olardyń kóbi jeńil jaraqat alǵan. Aýrýhanaǵa tórt adam jetkizilgen. Bul poıyz Melbýrn men Sıdneı arasynda qatynaıtyn negizgi qalalyq kólik», - dep jazady basylym.
Vıktorııa shtatynyń órt basqarmasynyń habarlaýynsha, bes vagon relsten shyǵyp ketken. Tergeý aıaqtalǵansha Seımýr men Shepparton stansalaryn baılanystyratyn temirjol ýaqytsha jabyldy.
Eske sala ketsek, buǵan deıin Aýstralııanyń Vıktorııa shtatynda jolaýshylar poıyzy relsten shyǵyp ketip, birneshe jolaýshy vagondardan shyǵa almaı qalǵanyn habarlaǵan bolatynbyz.
