Aýstralııadaǵy orman órti jarty mıllıardqa jýyq janýardyń ómirin qıdy
SIDNEI. QazAqparat – Aýstralııalyq ǵalymdar elde beleń alǵan orman órtine qatysty dabyl qaǵyp jatyr. Sıdneı ýnıversıteti júrgizgen zertteý nátıjesinde órt saldarynan jarty mıllıardqa jýyq Aýstralııa faýna ókilderi mert bolǵany anyqtalǵan, dep habarlaıdy QazAqparat Bloomberg-ke silteme jasap.
Zertteý málimetteri boıynsha 480 mıllıonǵa jýyq sútqorekti qustar men baýyrymen jorǵalaýshylar órt saldarynan tabıǵı ómir súrý ortasyn joǵaltyp, mert bolǵan.
Aýstralııanyń qorshaǵan ortany qorǵaý mınıstrligi Jańa Ońtústik Ýels shtaty órtten koala popýlıatsııasynyń 30% joıylǵanyn málimdedi. Eń qorqynyshtysy, janýarlar arasyndaǵy ólim sany artýy múmkin, sebebi, órtti toqtatý múmkin bolmaı otyr. Qyzyl jalyn 12 mıllıon akr ormandy (5 mıllıon gektarǵa jýyq), Ýels shtatynyń kóleminen eki ese úlken aýmaqty sharpyǵan.
Birneshe aı buryn bastalǵan orman órti 20 adamnyń ómirin qıyp, myń jarymǵa jýyq úı órtengen.
Birneshe saǵat buryn ǵana Vıktorııa shtatynyń ońtústik-shyǵysynda tótenshe jaǵdaı jarııalandy.
BBC News aqparaty boıynsha, órtten qajyǵan aýstralııalyqtar eldiń premer-mınıstri Skott Morrısonǵa syn aıtýda. Olardyń pikirinshe, premer-mınıstr men onyń úkimeti qıyn jaǵdaıdan shyǵý úshin tıisti is-áreketti jasap jatqan joq.
