Aýstralııada ushaq apatynda brıtanııalyq mıllıoner otbasymen birge qaza tapty
ASTANA. QazAqparat - Brıtanııanyń Compass Group kompanııasynyń basshysy otbasymen birge Sıdneı mańynda bolǵan ushaq apatynda qaza tapty, dep habarlaıdy TASS.
«Kompanııa prezıdenti Rıchard Kazıns jáne onyń otbasynyń tórt múshesi 2017 jylǵy 31 jeltoqsanda Aýstralııadaǵy ushaq apatynda mert boldy», - dep málimdelgen atalmysh kompanııanyń resmı saıtynda.
Buryn 9news telearnasy jeksenbi kúni jergilikti ýaqytpen 15:15-te Jańa Ońtústik Ýels shtatynda gıdroplannyń qulaǵanyn habarlaǵan bolatyn. Qaıǵyly oqıǵa saldarynan ushaqtaǵy alty adamnyń barlyǵy ajal qushqan.
Apat sebepteri ázirshe belgisiz.
