Aýstralııada túrmedegi adamdar sany rekordtyq deńgeıge jetti
ASTANA. KAZINFORM — Resmı derekterge sáıkes Aýstralııa túrmelerindegi tutqyndar sany tarıhı rekord ornatqan jáne bul kórsetkish áli de ósip kele jatyr, dep habarlaıdy AZERTADJ.

ABC News telearnasynyń málimetinshe, qazir qamaýda otyrǵandardyń derlik jartysy — sottyń túpkilikti úkimi shyǵarylmaǵan adamdar.
Sońǵy jyldary Aýstralııanyń barlyq shtatynda kepilmen bosatý júıesine ózgerister engizilip jatyr jáne bul reformalar ásirese jas quqyqbuzýshylarǵa qatysty talaptardy kúsheıtýge baǵyttalǵan.
Aýstralııalyq statıstıka bıýrosynyń jýyrda jarııalanǵan derekterine sáıkes, sońǵy úsh jylda túrmedegi adamdar sany turaqty túrde ósip keledi:
-
2022 jylǵy naýryzda — 40 330 adam,
-
Qazir — 46 081 adam.
Sot úkimi shyqpaı turyp qamaýda otyrǵandar sany sońǵy toqsanda 1 345 adamǵa (8%) artyp, jalpy sany 19 119 adamǵa jetken.
Qamaýǵa alynǵandar sany ár 100 myń eresekke shaqqanda 214 adamǵa jetedi, olardyń 92 paıyzy — er azamattar.
Eń joǵary qamaý deńgeıi aýstralııalyq baıyrǵy halyq ókilderi arasynda tirkeldi: ár 100 myń baıyrǵy eresek turǵynǵa 2 559 tutqynnan keledi. Bul jalpy túrme kontıngentiniń 37%-yn quraıdy.
World Prison Brief uıymynyń dereginshe, G20 elderiniń arasynda Aýstralııa tutqyndaý kórsetkishi boıynsha jetinshi orynda tur.
Budan buryn habarlanǵandaı, Túrkııa túrmelerinde adam sany shekti deńgeıden asyp ketti.