Aýstralııada sońǵy 40 jyldaǵy eń qalyń qar jaýdy

ASTANA. KAZINFORM — Aýstralııada demalys kúnderi qar jaýa bastady.

Senbi kúni Jańa Ońtústik Ýels shtatynda 40 santımetrge deıin qar jaýyp, 1980 jyldardyń ortasynan bergi rekordty jańartty, dep habarlady Aýstralııa meterologııa bıýrosy qyzmetkeri Mırıam Bredberı. 

Eldiń meteorologııa bıýrosy Aýstralııanyń kóptegen qalasynda sońǵy onjyldyqtardaǵy eń qalyń qar jaýyp turǵanyn aıtty. Kvınslend shtatynyń keıbir aýdanynda onjyldyqta alǵashqy qar jaýdy.

VVS aýstralııalyqtardyń qarda oınap, aıaz ata jasaǵany beınelengen vıdeo jarııalady. Bir er adam jýrnalıske «ómirinde qardy birinshi ret kórip turǵanyn» aıtty.

Qar jaı ǵana qýanysh keltirmedi. Demalys kúnderi Jańa Ońtústik Ýelstiń keıbir bólikterinde qalyń qar men jańbyr 1455 oqıǵaǵa sebep boldy. Tótenshe qyzmetter 100-den astam kóliktiń qar qursaýynda qalyp qoıǵanyn, boran ǵımarattardy búldirip, keıbir aýdandarda iri sý tasqyny bolǵanyn habarlady. Ondaǵan úı jaryqsyz qaldy. Polıtsııa sý tasqyny aǵyp ketken 26 jastaǵy áıeldi izdep jatqanyn aıtty.

Jańa Ońtústik Ýels — Aýstralııadaǵy halqy eń kóp shtat. Sıdneı osy shtatta ornalasqan.

Jahandyq klımattyń ózgerýi sońǵy jyldary Aýstralııanyń aýa raıyn turaqsyz etti. Degenmen qurlyqqa buryn da qalyń qar jaýǵan.

Eske sala keteıik, klımat saldarynan Tývalý turǵyndary Aýstralııaǵa jappaı kóshe bastady.