Aýstralııada poıyz relsten shyǵyp ketip, jolaýshylar vagondardan shyǵa almaı qaldy
NUR-SULTAN. QazAqparat – Aýstralııanyń Vıktorııa shtatynda jolaýshylar poıyzy relsten shyǵyp ketip, birneshe jolaýshy vagondardan shyǵa almaı qaldy, dep habarlady 7News telearnasy.
Oqıǵa beısenbi kúni Melbýrnnan 45 shaqyrym qashyqtyqta Ýollan temirjol stantsııasyna jaqyn jerde bolǵan. Poıyzdyń bes vagony men lokomotıv relsten shyǵyp ketti.
Telearna málimetteri boıynsha, poıyzda 200-ge jýyq adam bolǵan. Oqıǵa ornyna jedel kómek qyzmeti jiberildi. Melbýrn men Sıdneı arasyndaǵy poıyzdardyń qozǵalysy toqtatyldy.
Jergilikti BAQ málimetteri boıynsha, kóptegen qurbandar men jaralanǵandar bolýy múmkin.
Oqıǵanyń neden bolǵany belgisiz.
