Aýstralııada órtti óshirmek bolǵan ushaq apatqa ushyrady
NUR-SULTAN. QazAqparat – Aýstralııanyń qutqarý qyzmeti orman órtterin sóndirýmen aınalysatyn ushaq eldiń ońtústik shyǵysyndaǵy Jańa Ońtústik Ýels shtatynda apatqa ushyrap, úsh adamnyń qaza tapqanyn málim etti.
Bul týraly QazAqparat Sydney Morning Herald gazetine silteme jasap habarlaıdy.
Beısenbi kúni jergilikti órt sóndirý qyzmeti Snoýı Monaro aýdanyna baǵyt alǵan iri áýe tankerimen baılanystyń joǵalǵanyn habarlady.
Basylymnyń málimetinshe, C-130 Hercules áskerı-kólik ushaǵynyń synyqtary shtattyń ońtústigindegi Kýma qalasyna jaqyn jerden tabyldy.
Jańa ońtústik Ýels shtatynyń aýyldyq órt sóndirý qyzmetiniń komıssary Sheın Fıtssımmons oqıǵanyń sebep-saldary áli anyqtalmaǵanyn aıtty.
2019 jyldyń qyrkúıeginde bastalǵan tabıǵat órtterinen Aýstralııada mıllıondaǵan gektar jer órtendi, jalyn 27 adamnyń ómirin qıdy. 2 myńnan astam úı qıraǵan. Sıdneı ýnıversıtetiniń baǵalaýy boıynsha 1 mıllıardtan astam janýar qyrylǵan.
