Aýstralııada orman órtinen mıllıardtaǵan janýar qyryldy
NUR-SULTAN. QazAqparat – Sarapshylardyń pikirinshe, Aýstralııada orman órtiniń saldarynan 1 mıllıardtan astam janýar qyryldy, dep habarlaıdy QazAqparat ABC News-ke silteme jasap.
Sıdneı Ýnıversıtetiniń deregine sáıkes, osy janýarlardyń 800 mıllıony Jańa Ońtústik Ýels shtatyndaǵy orman órtinen qyrylǵan.
Aýtralııada órt maýsymy ádette jeltoqsannan naýryzǵa deıin bolatyn, biraq bıyl qyrkúıekte bastalyp, áli birneshe aıǵa jalǵasady.
Eldegi aýqymdy órttiń saldarynan Aýstarlııa tiri tabıǵatyna aıtarlyqtaı zııan keldi.
Shtattyń memlekettik órt sóndirý qyzmetiniń málimetinshe, 2019 jyldyń qyrkúıeginen bastap Jańa Ońtústik Ýels shtatynda órt saldarynan 1687 úı, 2020 jyldyń 1 qańtarynan – 771 úı qıraǵan.
Jergilikti órt sóndirýshilerdiń arqasynda shtattaǵy 21 000 úı aman qalǵany atalyp ótti.
Aýstralııa premer-mınıstri Skott Morrıson dúısenbi kúni elde kem degende 25 adam qaza taýyp, 2 myń úı qıraǵanyn málim etti. Aýstralııada órt maýsymynyń basynda 12 mıllıon akr jer órtke oranǵan.
