Aýstralııada ondaǵan qara delfın qaırańda qyrylyp qaldy

ASTANA. QazAqparat - Batys Aýstralııadaǵy burynǵy Sheynes Beach kıt aýlaý stantsııasyna jaqyn mańda ondaǵan dóńgelek basty kıt nemese qara delfın soqpa tolqynmen qaırańǵa shyǵyp, qyrylyp qalǵan, dep habarlaıdy QazAqparat Euronews-ke silteme jasap.

Jergilikti saıabaqtar men jabaıy tabıǵatty qorǵaý departamenti 52 sútqorektiniń ólgeni esep berdi. Tabıǵatty qorǵaý qyzmetkerleri eriktilermen birlese otyryp, taıaz sýda qyrylýy múmkin qalǵan 45 janýardy jartasty múıisten qashyqqa, tereń sýǵa qaıtarmaq.

Teńiz janýarlaryn qutqarý operatsııasy keme kóp júretin aımaqta, qolaısyz kún raıy jaǵdaıynda ótip jatyr. Qutqarýshylar jumysyn sýda akýlalardyń bolýy da qıyndatady.

Aıta ketsek, jyl saıyn 300-ge jýyq teńiz janýary jaǵaǵa shyǵyp qalady. Ǵalymdar bul jaǵdaıdyń sebepterin ázirge bilmeı jatyr.