Aýstralııada muǵalimder ereýilge shyqty

ASTANA. KAZINFORM — Kvınslend shtatynyń 50 myńǵa jýyq memlekettik mektebiniń muǵalimderi 2009 jyldan beri birinshi ret bolǵan úlken ereýilge qatysty, dep habarlaıdy 9News.

Aktsııa shtattaǵy barlyq 1266 mektepti jáne 560 myńnan astam oqýshyny qamtydy.

Narazylyq úkimettiń jalaqyny úsh jyl ishinde 8 paıyzǵa kóterý týraly usynysyna qarsylyq tanytýdan týyndaǵan. Kvınslend muǵalimderiniń odaǵy (QTU) bul usynysty qabyldamady, ol kadr tapshylyǵyn joıý, jumys ornyndaǵy qaýipsizdik pen eńbek jaǵdaıyn jaqsartý qajet dep málimdedi.

Máseleni sheshý úshin kásipodaq pen mınıstrler kabıneti ókilderi Kvınslend eńbek qatynastary komıssııasynda kelissózder júrgizedi.

Eske sala keteıik, Aýstralııada 16 jasqa tolmaǵan balalarǵa YouTube akkaýnttaryna kirýge tyıym salynady.