Aýstralııada quny $160 myń saf altyn tabyldy
SIDNEI. QazAqparat – Arzan metall izdegishi bar Aýstralııa azamaty quramynda 240 000 aýstralııalyq dollar (160 000 AQSh dollary) turatyn altyn bar, salmaǵy 4,6 kelilik tas taýyp aldy, dep habarlaıdy QazAqparat BBC News-ke silteme jasap.
Atyn ataýdan bas tartqan azamat baǵaly tasty 1800 jyldary Aýstralııada altyn dúrlikpesi bolǵan Vıktorııa ken ornynan tapqan.
Saf altynnyń úlgisin baǵalap, satyp alǵan altyn satýshy Darren Kemp 43 jyldyq mansabynda mundaı úlken altyndy birinshi retin kórip otyrǵanyn aıtty.
«Men abdyrap qaldym... Mundaı tabys ómirde bir-aq ret bolady», - dedi ol BBC News-ke.
4,6 kelilik tas quramynda jalpy 83 ýntsııa nemese 2,6 keli altyn bar.
Kepmtiń sózinshe, altyndy tapqan azamat aqshany otbasyna jumsaýdy josparlap otyr.
Aýstralııada álemdegi altyn qory eń kóp elderdiń biri jáne álemdegi iri saf altyndardyń kóbi dál osy elden tabylǵan.
