Aýstralııada kúnnen qýat alatyn kólikter jarysy ótýde
ASTANA. QazAqparat - Keshe Aýstralııada The World Solar Challenge - kún batareıalarymen júretin avtomobılder jarysy bastaldy, dep habarlaıdy QazAqparat.
30 elden jınalǵan 40 komanda 50 saǵat ishinde jasyl qurlyqtyń soltústiginen ońtústigine qaraı qaq jaryp ótýi tıis. Darvınnen Adelaıda qalasyna deıingi jarys joly 3 myń shaqyrymǵa sozylyp jatyr.
Jarystyń bir ereksheligi, oǵan qatysatyn bolıdterdi The World Solar Challenge-ke qatysatyn ınjener mamandyǵynda oqıtyn stýdentterdiń ózderi qurastyrady. Olardyń arasynda Nagoıa tehnologııalyq ınstıtýtynyń Horizon 17 avtomobıli jeńimpaz bolýǵa basty úmitkerlerdiń biri, dep jazady Kyodo News agenttigi.
Jas izdenýshilerdiń jarysyn Tesla, SpaceX, Google, NASA jáne Volvo sııaqty korporatsııalar men uıymdardyń mamandary baqylap otyr.
9 qazan, Astana ýaqytymen 15:00-de kósh basynda Nıderlandynyń Zenıt synaqtary ınstıtýty ákelgen Nuon Solar Team bolıdi kele jatyr. Onyń artynan Japonııa ókili, gollandtardyń Tvente, AQSh-tyń Mıchıgan ýnıversıtetteri jáne Belgııa ókili qýyp keledi.
Chellendjtiń barysyn jáne avtoshabandozdardyń qozǵalysyn myna saıttan baqylap otyrýǵa bolady.
