Aýstralııada ımmıgratsııaǵa qarsy jappaı sherý ótip jatyr

ASTANA. KAZINFORM – Jeksenbi kúni el boıynsha myńdaǵan avstralııalyq ımmıgratsııaǵa qarsylyq bildirý úshin kóshelerge shyqty. Sıdneı, Melbýrn jáne basqa da iri qalalarda «Aýstralııa úshin marsh» aktsııasy ótti, dep habarlaıdy Kazinform VVS-ge silteme jasap.

Sherýlerge birqatar oppozıtsııalyq saıasatker, sonyń ishinde Bir ult senatory Polın Henson men federaldy depýtat Bob Katter qosyldy. Úkimet bul sherýlerdi ásire ońshyldarmen baılanysty dep aıyptady. 

– Sıdneıdegi sherýge 8 myńǵa jýyq adam jınaldy, - dep habarlaıdy ABC Australia. 

Melbýrn qalasyndaǵy narazylyq bildirýshiler Palestınany qoldap sherýge shyqqandarmen qaqtyǵysty. Spıkerler arasynda eldiń jetekshi neonatsısti Tomas Sıýell boldy. Ol Parlament úıiniń aldynda jınalǵan qaýymǵa sóz sóıledi. 

Adelaıdada polıtsııa sherý men qarsy sherýge 15 000 adam qatysty dep aqparat taratty. 

Osy aptanyń basynda úkimet mıtıngilerge qarsy ekenin aıtyp, «Aýstralııada óshpendilikke oryn joq» ekenin eskertti. 

Óz kezeginde Іshki ister mınıstri Tonı Berk Aýstralııada áleýmettik birtutastyqty bólýge jáne buzýǵa tyrysatyn adamdarǵa oryn joq ekenin erekshe atap ótti. 

Buǵan deıin Aýstralııada muǵalimder ereýilge shyqqan bolatyn.