Aýstralııada COVID-19 juqtyrǵandar kóbeıip, rekord tirkeldi

NUR-SULTAN. QazAqparat – Sońǵy kúnderi Aýstralııada koronavırýs juqtyrǵan 914 adam tirkeldi. Bul indet bastalǵannan beri statıstıkadaǵy eń joǵarǵy kórsetkish, dep habarlaıdy QazAqparat Reuters-ke silteme jasap.

Aldyńǵy rekord 894 bolǵan. Ol bir kún buryn tirkelgen.

Aýstralııanyń úkimet basshysy Skott Morrısonnyń málimdeýinshe, halyqtyń eresek bóliginiń 70%-y vaktsına almaıynsha koronavırýsqa baılanysty karantın sharalary qoldanysta bolady.

Worldometer derekteri boıynsha, Aýstralııada 44 034 COVID-19 juqtyrý oqıǵasy tirkelgen, qaıtys bolǵandar sany – 981.

Aýstralııa astanasy Kanberrada 13 aıdyń ishinde tirkelgen birinshi koronavırýs juqtyrý jaǵdaıy anyqtalǵannan keıin eki aptalyq karantın engizilgen.

Foto/BBC