Aýstralııada 2,4 mıllıon balanyń ómirin saqtap qalǵan donor qaıtys boldy

ASTANA. KAZINFORM - Aýstralııada álemdegi eń tanymal donorlardyń biri qaıtys boldy. Onyń plazmasy 2,4 mıllıon sábıdiń ómirin saqtap qaldy, óıtkeni onyń quramynda erekshe sarysý jasaý úshin qoldanylatyn sırek ımmýnoglobýlın (antı-D) bar.

Ol rezýs faktory teris júkti áıelderge, ana men balalarǵa taǵaıyndalady, dep jazady VVS.

Djeıms Harrıson 88 jasta. Ol 17 aqpanda Jańa Ońtústik Ýelstegi qarttar úıinde qaıtys boldy, biraq onyń otbasy onyń qaıtys bolǵanyn búgin ǵana habarlady.

Aýstralııalyq Qyzyl Krest Qan qyzmeti Harrısonnyń nekrologynda ol 14 jasynda keýde qýysyna kúrdeli operatsııa jasatyp, qan quıǵannan keıin donor bolýdy sheshkenin jazdy.

Ol 18 jasynda qan plazmasyn tapsyra bastady jáne ony 81 jasyna deıin jalǵastyryp kelgen. 2005 jyly eń kóp plazma tapsyrǵan donor retinde álemdik rekord ornatty.

Keıin 2022 jyly bul rekordty amerıkalyq donor jańartty. Oǵan deıin ol álemdegi eń jomart donor sanalyp keldi.

Osyǵan deıin Almaty oblysynda qaıtys bolǵan donordyń 4 adamnyń ómirin saqtap qalǵanyn jazdyq.