Aýstralııada 150-den astam kosatka jaǵaǵa shyǵyp qaldy

ASTANA. KAZINFORM - Aýstralııanyń Tasmanııa shtatyndaǵy aral jaǵajaıynan 157  qara delfın  tabyldy, dep habarlaıdy NewsX.

Sońǵy 48 saǵat ishinde teńiz sútqorektileriniń toby jaǵaǵa shyǵyp qaldy, olardyń 90-ǵa jýyǵy áli tiri.

Jabaıy tabıǵatty qorǵaý jónindegi memlekettik qyzmetker Brendon Klarktyń aıtýynsha, uzyndyǵy alty metr, salmaǵy bir tonnadan asatyn sútqorektilerdi qaırańnan shyǵaryp jiberý qıyn.

Kishi kosatkalar iri delfınder túrine jatady.

Delfın túrleriniń jappaı qyrylyp, jaǵaǵa shyǵyp qalýy Aýstralııa jaǵalaýynda jıi kezdesedi. Degenmen, Klark mundaı oqıǵa Tasmanııanyń dál osy bóliginde sońǵy 50 jylda alǵash ret bolǵanyn atap ótti.

Olardyń ne sebepti jaǵaǵa shyǵyp qalǵany týraly naqty málimet joq. Júrgizilgen tergeý oqıǵaǵa qatysty qosymsha aqparat berýi múmkin.

Buǵan deıin Shotlandııada 77-ge jýyq kıttiń qyrylyp qalǵany týraly habarlanǵan bolatyn.