Aýstralııa jaǵalaýynan jumbaq kúmbez tabyldy
SIDNEI. QazAqparat – Batys Aýstralııadaǵy jaǵajaıda jumbaq kúmbez tabyldy, dep habarlaıdy QazAqparat BBC News-ke silteme jasap.
Eldiń Pert qalasynan soltústikke qaraı shamamen 250 shaqyrym jerde ornalasqan Grın-Hed jaǵajaıynan jergilikti turǵyndar alyp metall zatty tapty. Shtat pen federaldy bılik tabylǵan zatty zerttep jatyr. Bul nysan qaýipti sanalady.
Polıtsııa jergilikti turǵyndardan qaýipsiz qashyqtyqty saqtaýyn surady. Grın-Hed jaǵajaıy turǵyndarynyń aıtýynsha, bul – eni shamamen 2,5 m jáne uzyndyǵy 2,5-3 m-ge deıin baratyn tsılındr pishindes nysan. Zat senbi kúni keshke tabylǵakn.
Avıatsııa sarapshysy Djeffrı Tomas bul nysan sońǵy 12 aıda Úndi muhıtyna qulaǵan zymyrannyń janarmaı bagy bolýy múmkin dep málimdedi. Aýstralııalyq ǵarysh agenttigi alyp tsılındr «sheteldik ǵaryshtyq zymyran-tasyǵyshtan» qulap ketýi múmkin dep málimdedi.
Tsılındr 2014 jyly eldiń batys jaǵalaýynda 239 jolaýshysymen joǵalyp ketken MH370 ushaǵynyń bóligi bolýy múmkin degen boljam da bar. Biraq sarapshylar mundaı boljamdy birden joqqa shyǵardy.