Aýstralııa premer-mınıstri Entonı Albanız taǵy bir merzimge saılandy

ASTANA. KAZINFORM – Aýstralııa premer-mınıstriniń leıborıstik partııasy senimdi túrde jeńiske jetip, qatarynan ekinshi úshjyldyq merzimge saılandy, dep habarlaıdy Euronews.

- Aýstralııa halqy aýstralııalyq qundylyqtarǵa daýys berdi. Olar ádilettilik, umtylý men barshaǵa birdeı múmkindikti qoldap, qıyn sátte erlik tanytyp, meırimdilikke zárý bolyp júrgenderdi demeýge daýys berdi, - dedi Albanız senbi kúni óziniń jeńisine arnalǵan sózinde.

Leıborıster úkimeti Ókilder palatasynan basymdyqqa ıe 150 daýys alady.

Konservatıvti lıberaldy partııany basqaratyn jáne senbi kúngi saılaýda óziniń parlamenttegi ornyn joǵaltqan oppozıtsııa lıderi Pıter Datton jeńilgenin moıyndady.

- Biz bul naýqandy talapqa saı etip ótkize almadyq, bul – anyq jáne men ol úshin jaýapkershilikti moınyma alamyn, - dedi.

Habarda Entonı Albanızdiń 2004 jyly Djon Govard zamanynan beri eki saılaýdy qatarynan jeńgen birinshi aýstralııalyq kóshbasshy bolǵany aıtylǵan.

Osyǵan deıin leıborıster Ókilder palatasyndaǵy 151 orynnyń 78 ornyn ǵana ıelenip kelgen edi. Endigi parlamentte ol oryndar qaıta bólýge baılanysty qysqartylyp, 150 bolady.

Osyǵan deıin Aýstralııadaǵy saılaýda leıborıster partııasy kósh bastaǵany týraly jazdyq.