Aýstralııa polıtsııasy terakt josparlady degen kúdikpen jeti er adamdy ustady

ASTANA. KAZINFORM — Aýstralııa polıtsııasy Sıdneıdiń ońtústik-batys mańyndaǵy aýdandarynyń birinde terakt uıymdastyrýy múmkin degen kúdikpen jeti er adamdy qamaýǵa aldy.

Bul týraly ABC radıostantsııasy Jańa Ońtústik Ýels shtaty polıtsııa basqarmasyndaǵy derekkózge silteme jasap habarlady.

Tergeýshilerdiń málimetinshe, 18 jeltoqsanda ustalǵan bul er adamdar kórshiles Vıktorııa shtatynan Sıdneıge kelgen. Olar «ıslamshyl ekstremıstik ıdeologııany ustanady» jáne «zorlyq-zombylyq aktisin josparlaǵan bolýy múmkin» degen kúdikkke ilinip otyr.

Shtat polıtsııasy komıssarynyń orynbasary Devıd Hadsonnyń aıtýynsha, tintý kezinde kúdiktilerden tabylǵan jalǵyz qarý — pyshaq, al atys qarýy anyqtalmaǵan.

«Bizde olardyń Bondaı jaǵajaıyna barýdy josparlaǵany jóninde belgili bir aqparat bar. Ótken jeksenbide Sıdneıde bolǵan qaıǵyly oqıǵadan keıin biz táýekelge baryp, olardyń ne isteıtinin kútip otyrmaımyz, sondyqtan olardy ustaý týraly sheshim qabyldadyq», dedi ol.

Eske sala ketsek, buǵan deıin Hanýkka merekesin toılaý kezinde Sıdneı jaǵajaıynda atys bolǵanyn habarlaǵanbyz. Al keıinirek lańkesterdiń ákesi men balasy ekeni anyqtaldy. 

Sońǵy málimetter boıynsha, bul terakt saldarynan 16 adam qaza taýyp, 40 adam jaralanǵan.