Aýstralııa polıtsııasy qylmyskerlerden júzdegen kesirtke tárkiledi

Aýstralııadan Gonkongqa júzdegen kesirtkeni zańsyz ótkizbek bolǵan qylmystyq top ustaldy. Kazinform bul týraly VVS-ge silteme jasap habarlaıdy. 

Jańa Ońtústik Ýels polıtsııasynyń dereginshe, jergilikti polıtsııa ókilderi 257-ge jýyq kesirtke men 3 jylandy tárkiledi. 

31-59 jas aralyǵyndaǵy 4 kúdiktige jergilikti reptılııalar eksporty jáne qylmystyq top múshesi boldy degen aıyp taǵylyp otyr. Eger olardyń kinási dáleldense, 15 jylǵa deıin bas bostandyǵynan aıyrylýy múmkin.

Baýyrymen jorǵalaýshylarǵa em-dom jasalyp, olar jabaıy tabıǵatqa qaıtaryldy.

Aıta keteıik, kesirtkeniń naryqtaǵy baǵasy – 1,2 mln aýstralııalyq dollar (805 myń AQSh dollary).

Jabaıy tabıǵat dúnıejúzilik qorynyń (WWF) deregi boıynsha, keıingi 10 jylda Gonkong halyqaralyq naryqta ekzotıkalyq janýarlar saýdasy boıynsha kósh bastap tur.