Aýstralııa men Ońtústik Koreıa Labubu oıynshyqtarynyń ýly kóshirmesi shyǵarylyp jatqanyn eskertti

ASTANA.KAZINFORM — Aýstralııa men Ońtústik Koreıa bıligi tanymal Labubu oıynshyqtarynyń jalǵan kóshirmeleri bala densaýlyǵyna eleýli qaýip tóndiretinin eskertti, dep habarlaıdy Kazinform agenttigi. 

Ońtústik Koreıanyń keden qyzmeti kóptep shyǵarylyp jatqan qytaılyq Labubu oıynshyǵy kóshirmeleriniń quramyndaǵy toksındik zattar ruqsat etilgen mólsherden tym joǵary ekenin jarııalady.

Dúısenbiden bastap vedomstvo sheteldik onlaın platformalar arqyly satyp alynǵan taýarlardyń zańsyz ımportyn shekteý úshin segiz aptalyq naýqan bastaıdy. Bul sharalar 11 qarashadaǵy Qytaıdaǵy boıdaqtar kúni jáne 28 qarashadaǵy AQSh-tyń «Qara juma» sııaqty iri halyqaralyq satý is-sharalary qarsańynda engizildi.

Aýstralııanyń Básekelestik jáne tutynýshylar komıssııasy da osyǵan uqsas eskertý jasap, Lafufu dep atalatyn jalǵan oıynshyqtardyń sapasyz jumysyna jáne ońaı buzylatyn usaq bólshekterine baılanysty qaýip bar ekenin, bul balalar arasynda tunshyǵý qaýpin týdyratynyn atap ótti. Vedomstvo sondaı-aq mundaı ónimderde qorǵasyn men basqa da ýly zattardyń bolýy múmkin ekendigine alańdaýshylyq bildirdi, bul balalardyń densaýlyǵyna qaýip tóndirýi múmkin.

— Kóbinese Lafufu dep atalatyn jalǵan nemese ımıtatsııalyq Labubu qýyrshaqtaryn satyp alarda abaı bolyńyzdar jáne bul ónimderdi jas balalardyń qoly jetpeıtin jerde saqtańyzdar, — delingen aýstralııalyq vedomstvo málimdemesinde.

Biz buǵan deıin AUSh-tyń Labubu oıynshyqtarynyń qaýipi týraly eskertý jarııalaǵanyn habarlaǵan bolatynbyz.