Aýstralııa halqy jergilikti aborıgenderge konstıtýtsııalyq quqyq berýge qarsy shyqty
Aýstralııa úkimeti parlamentte eldegi aborıgenderge arnalǵan arnaıy «Daýys» konsýltatıvti komıtetin qurýdy usyndy, dep habarlaıdy Kazinform agenttigi DW jańalyqtaryna silteme jasap
Aýstralııa turǵyndary 14 qazan, senbi kúni ótken referendýmda aborıgender men Torres buǵazy araldarynyń turǵyndaryna el konstıtýtsııasynda arnaıy daýys berý quqyǵynyń berilýine qarsylyq bildirdi.
Bıýlletender sanalyp bolǵannan keıin turǵyndardyń 58,1 paıyzy qarsylyq bildirse, 41,9 paıyzy kelisken.
Muny Aýstralııa premer-mınıstri Entonı Albaneze de moıyndady, ol aborıgender quqyǵyn konstıtýtsııada bekitýdi belsendi túrde jaqtaǵan edi.
Úkimet Parlamentte eldiń aborıgenderi men Torres buǵazy araldarynyń turǵyndaryna arnalǵan «Daýys» arnaıy konsýltatıvtik komıtetin qurýdy usynǵan.
Bul organnyń pikiri men daýysy bıliktiń jergilikti halyqqa qatysty saıasatyn anyqtaýda eskeriletin edi.
Aýstralııa statıstıka bıýrosynyń málimetinshe, 2021 jyly aborıgender Aýstralııa halqynyń 3,8 paıyzyn qurady.
Olar — qoǵamnyń eń kedeı bóligi.
Referendým usynysynyń qarsylastary mundaı tásil aýstralııalyqtardy násilge bóledi dep esepteıdi.
