Aýstralııa chempıonatynda Elena Rybakına eıs jasaýdan rekord ornatty

ASTANA. QazAqparat - Qazaqstannyń birinshi, álemniń 10-raketkasy Elena Rybakına Aýstralııa ashyq chempıonatynda eıs jasaýdan rekord ornatty, dep habarlaıdy QazAqparat tilshisi.

Australian Open uıymdastyrýshylary málim etkenindeı, Elena Rybakına jeti oıynda 54 eıske qol jetkizdi.

Qazaqstandyq tennısshiniń fınaldaǵy qarsylasy, osy jarystyń jeńimpazy, Belarýs ókili Arına Sobolenko 46 eıspen kózge tústi. Ásirese, ol sońǵy básekede 17 eıs jasaı bildi.

Chehııalyq Karolına Plıshkova (31 eıs) úzdik úshtikti túıindedi. Frantsııalyq Karolın Garsııa (25), horvatııalyq Donna Vekıch (24) besinshi orynda.

Erlerden amerıkalyq Ben Shelton (85) qara úzip ketti.

Eske sala keteıik, budan buryn Qazaqstan tarıhynda alǵash ret Elena Rybakınanyń álemniń 10-raketkasy atanǵanyn jazǵan bolatynbyz.

Sondaı-aq qazaqstandyq tennısshi álemdik reıtıngte rekordtyq kórsetkishke qol jetkizdi.

Novak Djokovıch eń kóp tabys tapqan tennısshiler kóshin bastap tur.

Elena Rybakına chempıondyq kestede ekinshi orynǵa kóterildi.

Foto: ktf.kz