Aýstralııa chempıonatynda Aleksandr Býblık jarys jolynan shyǵyp qaldy
ORAL. KAZINFORM - Qazaqstannyń birinshi, álemniń 27-raketkasy Aleksandr Býblık Aýstralııa ashyq chempıonatynda jarys jolynan shyǵyp qaldy.
Qazaqstandyq tennısshi alǵashqy aınalymda dúnıejúzilik reıtıngide 137-orynda turǵan úndistandyq Sýmıt Nagalmen kezdesti.
Úndistandyq tennısshi kútpegen jerden 6:4, 6:2, 7:6 (7:5) esebimen jeńiske jetti.
Eki saǵat 40 mınýtqa sozylǵan tartysty báseke barysynda Býblık 13 eıs jasap, 7 breık-poınttyń úsheýin paıdalandy. Qarsylasy 1 eıs, 6 breıkpen (12 breık-poınt) kózge tústi.
Osylaısha, ıÝlııa Pýtıntseva da, Aleksandr Býblık te reıtıngide ózderinen tómen turǵan tennısshilerden jeńilip qaldy.
Endigi úmit jekeleı synda álemniń 3-raketkasy Elena Rybakınada ǵana. Ol búgin álemniń burynǵy 1-raketkasy, chehııalyq Karolına Plıshkovamen kortqa shyǵady.
Eske sala keteıik, budan buryn Aýstralııa chempıonatynda Aleksandr Nedovesovtiń tartysty matchta ese jibergenin jazǵan bolatynbyz.
