Aýstralııa ashyq chempıonatyna kelgen 47 tennısshi karantınde jatyr
NUR-SULTAN. QazAqparat – Aýstralııa ashyq chempıonatyna kelgen 47 tennısshi karantınde jatyr, olardyń arasynda qazaqstandyq ıÝlııa Pýtıntseva bar, dep habarlaıdy QazAqparat tilshisi.
Tennısten Aýstralııa ashyq chempıonatynyń dırektory Kreıg Taılı osynshama adamnyń karantınde jatqanyna qaramastan, «Úlken dýlyǵa» týrnıriniń keste boıynsha, Melbýrnde 8-21 aqpanda ótetinin málimdedi.
«Biz indettiń qaterli ekendigin bildik. Soǵan qaramastan, Australian Open ótedi. Sondyqtan qıyn jaǵdaıda qalǵan oıynshylarǵa barlyq qoldan kelgen kómekti kórsetemiz», dedi K.Taılı.
Senbi kúni Melbýrnge Los-Andjeles pen Ábý-Dabıden ushyp kelgen ushaq jolaýshylarynan koronavırýs tabylǵan bolatyn. Soǵan baılanysty bortta bolǵan 47 tennısshi karantınge jatqyzyldy. Olardyń arasynda ıÝ.Pýtıntsevadan basqa Svetlana Kýznetsova, Vıktorııa Azarenko, Marta Kostıýk, Bıanka Andreeský, Anjelıka Kerber, Belında Benchıch sııaqty belgili tennısshiler bar.
Karantınniń qıyndyǵy sol, oıynshylar ózderine kún saıyn jattyǵýǵa berilgen bes saǵatty paıdalana almaıdy.
Búgin Aýstralııa ashyq chempıonatyna ushyp kelgen tórtinshi adamnyń indet juqtyrǵany belgili boldy.
«Eger borttaǵy bir adam koronavırýs juqtyrsa, jolaýshylardyń bári karantınge jatqyzylatynyn bizge nege aıtpaǵanyn túsinbeımin. Olaı bolǵan jaǵdaıda Aýstralııaǵa attanbas buryn durystap oılanar edim. Bizge komanda múshesiniń bireýi aýyrsa ǵana tolyq oqshaýlanatynymyz jóninde aıtyldy. Ushaqtaǵy basqa kezdeısoq adamdar jóninde áńgime bolǵan joq», dep jazdy ıÝ.Pýtıntseva óziniń Tvıtterdegi paraqshasynda.
