Aýstralııa ashyq chempıonaty eń kóp jankúıer jınaǵan jarys boldy

ASTANA. QazAqparat – 2023 jylǵy Aýstralııa ashyq chempıonaty «Úlken dýlyǵa» týrnırleri arasynda eń kóp jankúıer jınaǵan jarys atandy, dep habarlaıdy QazAqparat tilshisi.

Bıylǵy alǵashqy «Úlken dýlyǵa» týrnırin minbeden 839 192 kórermen tamashalady. Al irikteý matchtaryn qosa eseptegende, 902 312-ge jetti.

Bul 2020 jylǵy Aýstralııa ashyq birinshiliginde jasalǵan rekordtan asyp tústi. Onda 812 174 kórermen jınalǵan edi. Odan keıin koronavırýs indeti bastalǵany belgili.

Ótken jyly Ýımbldonda 515 164, Frantsııa ashyq chempıonatynda 613 500, US Open dodasynda 776 120 kórermen tennıs oıyndaryn tamashalaǵan bolatyn.

Bıylǵy jarysqa Nık Kıros, Karlos Alkaras jáne Naomı Osaka syndy ataqty tennısshiler qatyspasa da, rekordtyq nátıjege qol jetti. Oǵan qosa Rodjer Federerdiń ótken jyldyń kúzinde tennıspen qoshtasqany belgili. Sondaı-aq bul atyshýly Serena Ýılıamstiń tennısten keıingi birinshi «Úlken dýlyǵa» týrnıri edi.

«Uly oıynshylar ketkennen keıin qyzyǵýshylyq azaıady delinse de, adamdardyń tennıske ynta-yqylasy báseńdegen joq», dedi Tennis Australia atqarýshy dırektory Kreıg Taılı Melbourne Age-ge bergen suhbatynda.

Bıylǵy Aýstralııa chempıonatynda Qazaqstannyń birinshi raketkasy Elena Rybakınanyń fınalǵa deıin jetkeni belgili.

Eske sala keteıik, budan buryn Aýstralııa chempıonatynda Elena Rybakınannyń eıs jasaýdan rekord ornatqanyn jazǵan bolatynbyz.

ıÝlııa Pýtıntseva Taılandtaǵy WTA jarysynda jeńilip qaldy.

FOTO: GETTY IMAGES