Aýstralııa ashyq chempıonatyna 11 qazaqstandyq tennısshi qatysady

Aýstralııa ashyq chempıonatyna qatysýshylar tizimine 11 qazaqstandyq tennısshi endi, dep habarlaıdy Kazinform.

Qazaqstan tennıs federatsııasynyń baspasóz qyzmetinen málim etkenindeı, jekeleı synda negizgi týrnırde Elena Rybakına, ıÝlııa Pýtıntseva jáne Aleksandr Býblık óner kórsetedi.
Juptyq synda Anna Danılına men Aleksandr Nedovesov dodaǵa túsedi.

Aýstralııa ashyq chempıonatynyń irikteý saıystarynda Beıbit Juqaev pen Denıs Evseev baq synaıdy.

Jasóspirimder arasynda Aýstralııa ashyq chempıonatynda negizgi jarysta alǵash ret Ámir Omarhanov pen Asyljan Arystanbekova kortqa shyǵady. Sondaı-aq irikteý saıystaryna Danıal Rahmatýllaev pen Vıtalıı Zatsepın qatysady.

Ótken jyly Aýstralııa ashyq birinshiliginde Qazaqstannyń birinshi raketkasy Elena Rybakına fınalǵa deıin jetken edi.

Eske sala keteıik, budan buryn qazaqstandyq jas tennısshiniń Týnıstegi jarystyń jartylaı fınalyna joldama alǵanyn jazǵan bolatynbyz.

Sandýǵash Kenjebaeva juptyq synda Monastır (Týnıs) ITF týrnıriniń jartylaı fınalynan asa almady.