Aýstralııa ashyq chempıonatyna qatysatyn qazaqstandyq tennısshiler belgili boldy
ASTANA. KAZINFORM – 2026 jylǵy Aýstralııa ashyq chempıonatyna qatysatyndardyń tizimi jarııalandy.
Aldaǵy jyldyń alǵashqy «Úlken dýlyǵa» týrnırinde erler arasynda Qazaqstannyń birinshi, álemniń 11-raketkasy Aleksandr Býblık jáne reıtıngide 95-orynda turǵan Aleksandr Shevchenko baq synaıdy.
Áıelder arasynda Qazaqstannyń birinshi, álemniń 5-raketkasy Elena Rybakına, reıtıngide 71-oryndaǵy ıÝlııa Pýtıntseva óner kórsetedi. Sondaı-aq Qytaıdaǵy irikteý týrnırinde úzdik shyqqan reıtıngide 283-satydaǵy Zarına Dııas arnaıy shaqyrtý aldy.
Juptyq synda Qazaqstannyń birinshi raketkasy Anna Danılına dodaǵa qosylmaq.
Sonymen qatar irikteý saıystaryna Qazaqstannan ázirge Tımofeı Skatovtyń qatysatyny anyq. Qalǵany keıin anyqtalady.
Aýstralııa ashyq chempıonaty 12 qańtar – 1 aqpan aralyǵynda Melbýrn qalasynda ótedi.
Budan eki jyl buryn E.Rybakına fınalǵa deıin jetip, belorýssııalyq Arına Sobolenkoǵa jol bergen bolatyn.
Eske sala keteıik, budan buryn 18 jastaǵy Ámir Omarhanovtyń álemdik reıtıngide taǵy bir úzdik kórsetkishine qol jetkizgenin jazǵan bolatynbyz.