Aýstralııa ashyq chempıonaty qazaqstandyq tennısshiler úshin sátsiz bastaldy

Aýstralııa ashyq chempıonatynyń irikteý saıystary qazaqstandyq tennısshiler úshin sátsiz bastaldy, dep habarlaıdy Kazinform. 

Dúnıejúzilik reıtıngide 228-orynda turǵan Tımofeı Skatov irikteý saıystarynyń shırek fınalynda álemniń 160-raketkasy, 31 jastaǵy tájirıbeli bosnııalyq Damır Djýmhýrmen kortqa shyqty.

Birinshi partııada qazaqstandyq tennısshi 6:4 esebimen basymdyq tanytty. Alaıda sol qarqynyn jalǵastyra almaı, 3:6, 3:6 esebimen jeńilip qaldy. Eki saǵat 15 mınýtqa sozylǵan tartysty báseke barysynda T.Skatov 8 breık-poınttyń úsheýin ǵana paıdalandy. Qarsylasy 8 breık-poınttyń beseýin múlt jibergen joq.

D.Djýmhýr irikteý saıystarynyń jartylaı fınalynda álemniń 134-raketkasy, ıtalııalyq Djýlıo Zeppıerımen sheberlik baıqasady. Ol reıtıngide 824-oryndaǵy ýrýgvaılyq Pablo Kýevasty 6:0, 6:1 esebimen oısyrata utty.

Qazaqstandyqtardan Denıs Evseev pen Beıbit Juqaev irikteý saıystaryn erteń bastaıdy.

Eske sala keteıik, budan buryn Elena Rybakınanyń qazaqstandyq jankúıerlerge alǵys aıtqanyn jazǵan bolatynbyz.

Sondaı-aq qazaqstandyq tennısshi Dmıtrıı Popko Býenos-Aıreste negizgi týrnırge ótti.