Aýstralııa armııasyn alǵash ret áıel basqarady

ASTANA.KAZINFORM - Aýstralııa Qarýly kúshteri basshylyǵyndaǵy ózgeristerge baılanysty birikken Kúshterdiń qazirgi bastyǵy general-leıtenant Sıýzan Koıl 2026 jyldyń shilde aıynan bastap Qurlyq áskerin basqarady, dep habarlaıdy Reuters agenttigi.  

55 jastaǵy Sıýzan Koıl general-leıtenant Saımon Stıýarttyń ornyna kelip, Aýstrııa tarıhyndaǵy Qarýly kúshterdi basqarǵan alǵashqy áıel bolmaq.

- Shilde aıynan bastap bizde Aýstralııa armııasy tarıhyndaǵy alǵashqy áıel shtab bastyǵy bolady, - dedi premer-mınıstr Entonı Albanız óz málimdemesinde.

Koıldyń taǵaıyndalýy Aýstralııa qorǵanys kúshteri qataryndaǵy áıel-ofıtserler sanyn kóbeıtýge baǵyttalǵan sharalar aıasynda júzege asty.

- Sıýzannyń jetistigi búginde Aýstralııa qorǵanys kúshterinde qyzmet etetin áıelder úshin jáne bolashaqta Aýstralııa qorǵanys kúshterinde qyzmet etýdi qarastyryp jatqan áıelder úshin úlken mańyzǵa ıe bolady, - dedi ol.

Qazir Aýstralııa qorǵanys kúshteriniń (ADF) shamamen 21%-y jáne basshylyq laýazymdardyń 18,5%-y áıelder. Áskerı-teńiz kúshteri (ÁQK) 2030 jylǵa qaraı jalpy kúshterdiń 25%-yna jetýdi maqsat etip qoıdy.

Buǵan deıin jastardy áskerı qyzmetke tartýdaǵy qıyndyqtarǵa qaramastan, Japonııa 2030 jylǵa qaraı áskerı qyzmettegi áıelder úlesin arttyratyny habarlanǵan bolatyn.